Geely Hap Qendren me te Madhe ne Bote per Testimin e Automjeteve

19.01.2026

• Qendra e re e Sigurisë Geely vendos pesë Rekorde Botërore Guinness për nga madhësia, shtrirja dhe kapacitetet
• Qendra e Sigurisë Geely ofron kapacitete të plota për testime të reja për epokën e automjeteve të elektrifikuara dhe inteligjente
• Siguria kibernetike, mbrojtja e privatësisë së të dhënave, shëndeti dhe mbrojtja e mjedisit përfshihen në konceptin e ri të Geely për Sigurinë Gjithëpërfshirëse
• Qendra e Sigurisë Geely shndërrohet në një platformë të re bashkëpunimi me partnerë globalë për teknologjitë dhe standardet e sigurisë
   

Ningbo, Kinë, 12 dhjetor 2025 – Geely Auto Group prezantoi të premten Qendrën e Sigurisë Geely, tashmë objekti më i madh dhe më i avancuar në botë për testimin e sigurisë automobilistike. Qendra e sigurisë shtrihet në një sipërfaqe prej 45,000 m², me një investim fillestar mbi 2 miliardë RMB, duke i mundësuar Geely-t të përshpejtojë inovacionin në teknologjitë e sigurisë dhe të ngrejë standardet globale të sigurisë.

Qendra e Sigurisë Geely mbulon të gjithë spektrin e testimeve globale të sigurisë, nga testet e përplasjeve me shpejtësi të lartë dhe mbrojtja e këmbësorëve, deri te simulimet e sigurisë aktive, siguria e baterive dhe e sistemeve të reja të energjisë, siguria kibernetike si dhe vlerësimet e sigurisë së lidhura me shëndetin. Duke shkuar përtej testeve standarde të sigurisë së automjeteve dhe pasagjerëve, qendra e re është ndërtuar për të mbështetur konceptin e Geely-t për “sigurinë gjithëpërfshirëse” në epokën e automjeteve inteligjente.

Qendra ofron kapacitete të reja, si testimi i sigurisë kibernetike sipas standardeve të certifikuara nga CNAS, simulimin e vektorëve të shumtë të sulmeve dhe vlerësimin e çipave, firmware-it, transmetimit dhe enkriptimit të të dhënave, përditësimeve OTA, sensorëve dhe kontrollorëve të automjetit, etj. Për Geely-n, siguria shkon përtej produkteve dhe automjeteve; shëndeti i njeriut dhe mbrojtja e mjedisit janë gjithashtu elemente thelbësore të sigurisë që qendra i teston. Ekipi “Golden Nose” i Qendrës së Sigurisë Geely fokusohet në testimin e materialeve të paqëndrueshme dhe aromave, zbulimin e substancave të dëmshme dhe garantimin që produktet përmbushin standardin “zero gazra/aroma të dëmshme”.

Qendra e re e Sigurisë ka vendosur gjithashtu pesë rekorde botërore, përfshirë: laboratorin më të madh të sigurisë automobilistike (81,930.745 m²), pistën më të gjatë të brendshme për testet e përplasjeve të automjeteve (293.39 metra), tunelin më të madh të erës me rregullim të lartësisë dhe klimës (simulim bore/shiu/rrezatimi diellor) për testimin e automjeteve (28,536.224 m², me shpejtësi maksimale ere 250 km/h), zonën më të madhe të testimit të përplasjeve të automjeteve me kënde të ndryshueshme (0–180°) (12,709.293 m²), si dhe numrin më të madh të testeve (27 lloje) të disponueshme në një laborator sigurie të një prodhuesi automjetesh.

Qendra e re e Sigurisë bashkon praktikat më të mira globale në zhvillimin e sigurisë automobilistike, duke kombinuar njohuritë e liderëve ndërkombëtarë të sigurisë me kapacitetet në rritje të shpejtë të R&D-së së Geely-t, për të çuar performancën e sigurisë përtej kërkesave rregullatore. Qendra forcon gjithashtu bashkëpunimin e Geely-t me institucione si China Automotive Technology and Research Center (CATARC) dhe Universiteti Tsinghua, përfshirë publikimin e përbashkët të Librit të Bardhë mbi Zhvillimin e Sigurisë së Automjeteve Inteligjente. Së bashku, këto përpjekje përforcojnë angazhimin e Geely-t për të udhëhequr valën e ardhshme të inovacionit në siguri dhe për të rritur standardet e industrisë në epokën e mobilitetit inteligjent.

Gjatë dekadës së fundit, Geely ka investuar më shumë se 250 miliardë RMB në kërkim dhe zhvillim, me sigurinë si prioritet kyç. Hapja e Qendrës së Sigurisë Geely përfaqëson hapin e radhës në këtë angazhim, duke i mundësuar kompanisë të ofrojë zgjidhje mobiliteti më të sigurta, më inteligjente dhe më të qëndrueshme për përdoruesit në mbarë botën.

Jerry Gan, CEO i Geely Auto Group, tha:“Siguria ka qenë gjithmonë prioriteti kryesor i Geely Auto Group gjatë 30 viteve të fundit. Ne kemi synuar vazhdimisht të tejkalojmë standardet kombëtare dhe rajonale për të vendosur standarde të reja sigurie, në dobi të gjithë industrisë dhe konsumatorëve globalë. Me inaugurimin e Qendrës së re të Sigurisë Geely, hapim një kapitull të ri për sigurinë në epokën e automjeteve inteligjente.”

Li Chuanhai, Zëvendëspresident i Geely Auto Group dhe Drejtor i Institutit Kërkimor Geely, tha: “Transformimi global elektrik dhe inteligjent i industrisë automobilistike kërkon standarde të reja dhe më të larta sigurie, si në aspektin fizik ashtu edhe në atë digjital. Qendra e re e Sigurisë Geely mbështet dhe përshpejton inovacionin në siguri përmes bashkëpunimit me liderët botërorë të teknologjisë së sigurisë.”

 

Rreth Geely Auto

Geely Auto Group është një prodhues kryesor automjetesh me seli në Hangzhou, Kinë, dhe u themelua në vitin 1997 si një njësi vartëse e Zhejiang Geely Holding Group (ZGH). Grupi menaxhon disa marka kryesore, përfshirë Geely Auto, Lynk & Co dhe Zeekr. Geely Auto Group është gjithashtu partneri strategjik global i prodhuesit kombëtar të automjeteve të Malajzisë, PROTON.

Grupi punëson mbi 50,000 persona dhe operon 12 fabrika dhe 5 qendra globale të kërkimit dhe zhvillimit në Hangzhou, Ningbo, Gothenburg, Coventry dhe Frankfurt. Gjithashtu, Grupi disponon 5 studio globale dizajni në Shanghai, Ningbo, Gothenburg, Milano dhe Coventry, me mbi 1,000 punonjës. Geely Automobile Holdings, një kompani bijë që zotëron aksione kontrolluese në Geely Auto, Lynk & Co dhe Zeekr, është e listuar në bursën e Hong Kongut që nga viti 2005.

Në vitin 2024, markat nën menaxhimin e Geely Auto Group shitën mbi 2.17 milionë njësi, duke shënuar një rritje vjetore prej 32%.