Geely Starray Arrin ne 2 Milione Njesi te Shitura, Coolray Arrin 1 Milion

07.04.2025

Grupi automobilistik Geely njofton se modeli Geely Starray në fillim të marsit 2025 arriti një arritje të jashtëzakonshme – 2 milionë automjete të shitura në mbarë botën. Kjo arritje nënvizon praninë e fuqishme të Starray në tregjet globale dhe popullaritetin në rritje mes blerësve të automjeteve SUV anembanë globit. Ndërkohë, modeli Geely Coolray në janar 2025 arriti një tjetër sukses të madh me 1 milion njësi të shitura, duke forcuar statusin e tij si një nga modelet më të shitura në gamën e Geely.

Geely Coolray: I suksesshëm në tregun global

Geely Coolray ka qenë zgjedhja kryesore e blerësve të SUV-ve që nga dalja në treg në vitin 2018 në më shumë se 51 vende, duke përfshirë tregjet në Evropën Juglindore, në Amerikën e Jugut dhe Qendrore, në Lindjen e Mesme, Afrikë dhe rajonin Azi-Paqësor.

Kërkesa për modelin e ri Coolray është rritur që nga prezantimi i tij në tregjet ndërkombëtare. Mediat lokale dhe konsumatorët e kanë vlerësuar për dizajnin dinamik, teknologjinë e avancuar dhe performancën e fuqishme, duke e bërë atë të dallohet në segmentin e SUV-ve të vogla (B-SUV).

Coolray është një SUV i vogël, i ndërtuar mbi platformën modulare të avancuar të Geely-t (BMA). Ai dallohet për dizajnin sportiv dhe linjat agresive, me grilën e përparme të theksuar për ajrim, dritat LED me ndriçim ditor “Energy Pulse Three-way”, dritat e pasme të veçanta, rrota 17- ose 18-inç dhe katër tuba shkarkimi.

Brenda kabinës ofron një ambient dinamik dhe modern me ulëse të cilësisë së lartë. Ekranet e dyfishta të integruara – një ekran LCD 10,25 inç për instrumentet dhe një ekran informativ-zbavitës 12,3 inç – ofrojnë një përvojë vizuale mbresëlënëse dhe ndjenjë të thellë teknologjike. Pamjen moderne e plotëson edhe çatia panoramike.

Të gjitha versionet janë të pajisura me një motor 1.5 litra turbo, që prodhon 172 kuaj fuqi (1,28 kW) dhe 290 Nm çift rrotullues. Ky motor është i lidhur me një transmision automatik me shtatë marshe dhe dy disqe (7-DCT), i cili ofron reagim të menjëhershëm dhe thekson pamjen sportive të automjetit.

Geely Starray: I preferuar nga miliona dhe i fuqishëm në performancë

Geely Starray, një përfaqësues atraktiv në segmentin SUV-C, spikat për dizajnin modern që ndërthur në mënyrë të përkryer estetikën futuriste me teknologjinë digjitale të avancuar. I frymëzuar nga filozofia e dizajnit “Vision Starburst”, Starray përmban linja elegante, kthesa fluide dhe elementë vizualë që krijojnë një prezencë unike dhe tërheqëse në rrugë. Nga grila e përparme e guximshme deri te dritat tërheqëse të pasme, çdo detaj i Starray është menduar me kujdes për të përmirësuar stilin dhe performancën.

Brenda, Starray ofron një kabinë të bollshme dhe të rehatshme me ulëse premium dhe një ekran intuitiv qendror. Ekrani qendror prej 13.2 inç ofron një përvojë të rrjedhshme dhe inteligjente gjatë ngasjes, duke mundësuar kontroll të lehtë dhe ndërveprim të mençur. Sistemi i zërit Infinity ofron një përvojë të thellë zanore që e kthen çdo udhëtim në një sallë koncertesh në rrota.

Adhuruesit e performancës do ta vlerësojnë motorin me benzinë turbo 1.5 litra, i cili në kombinim me transmisionin automatik me shtatë marshe me dy disqe (7DCT) siguron një përvojë ngasjeje dinamike dhe emocionuese.

Siguria në radhë të parë: teknologji e avancuar për një udhëtim të sigurt

Geely Auto Group i jep prioritet sigurisë në çdo udhëtim, ndaj Starray është i pajisur me teknologjinë më të fundit të sigurisë. Gama e plotë e veçorive të sigurisë ofron qetësi mendore për shoferët dhe pasagjerët.

Tempomati adaptiv me radar (ACC) përmirëson komoditetin duke rregulluar automatikisht shpejtësinë dhe duke mbajtur një distancë të sigurt me automjetet përpara. Sistemi i frenimit automatik emergjent (AEB) ndihmon në parandalimin e përplasjeve, ndërsa sistemi për paralajmërimin e daljes nga korsia (LDW) zvogëlon rrezikun e ndryshimit të padëshiruar të korsisë. Gjithashtu, sistemi ndihmës për ngasje në autostradë (HWA) optimizon rregullimin e shpejtësisë për më shumë siguri dhe udhëtim më të lehtë në autostrada.

Me rritjen mbresëlënëse të shitjeve, njohjen në industri dhe vlerësimet pozitive nga klientët – si Geely Coolray ashtu edhe Starray vazhdojnë të riformulojnë pritshmëritë në tregun e SUV-ve. Me miliona njësi të shitura, Geely Auto Group mbetet i përkushtuar ndaj inovacionit dhe krijimit të automjeteve që tejkalojnë pritshmëritë e blerësve në mbarë botën.

*Disa veçori të automjetit varen nga pajisjet specifike të vendit dhe/ose viti i modelit dhe mund të mos jenë të disponueshme në të gjitha tregjet.