Geely Стареј достигна 2 милиони продадени возила, Кулреј 1 милион

07.04.2025

Автомобилската групација Geely соопштува дека моделот Geely Starray на почетокот на март 2025 година достигна значаен успех – 2 милиони продадени возила низ целиот свет. Овој успех ја потенцира силната глобална присутност на Starray и неговата сè поголема популарност меѓу купувачите на SUV возила. Во меѓувреме, моделот Geely Coolray во јануари 2025 достигна импресивна бројка од 1 милион продадени примероци, со што ја зацврсти својата позиција како еден од најпродаваните модели во понудата на Geely.

Geely Coolray: Докажан успех на глобалниот пазар

Geely Coolray од своето лансирање во 2018 година е главен избор на купувачите на SUV возила во повеќе од 51 земја, вклучувајќи ги пазарите во Југоисточна Европа, Јужна и Средна Америка, Блискиот Исток, Африка и регионот Азија-Пацифик.

Побарувачката за новиот модел Coolray се зголемува од моментот на неговата претставување на различни меѓународни пазари. Локалните медиуми и потрошувачите го пофалија возилото за неговиот динамичен дизајн, напредна технологија и силни перформанси, со што стана истакнат модел во сегментот B-SUV.

Coolray е компактен SUV, изработен на напредната модуларна платформа на Geely (BMA). Се одликува со спортски дизајн и агресивни линии, со изразена предна решетка за воздух, LED предни светла со дневни светла “Energy Pulse Three-way”, задни светла, фелни од 17 или 18 инчи и четири издувни цевки.

Во внатрешноста нуди динамична и модерна кабина со премиум седишта. Интегрираните двојни екрани – 10,25-инчен LCD инструментален панел и 12,3-инчен инфо-забавен екран – овозможуваат длабоко визуелно искуство и силно чувство за технологија. Панорамскиот покрив го заокружува модерниот изглед.

Сите верзии на моделот се опремени со 1,5-литарски турбо бензински мотор со 172 коњски сили (1,28 kW) и 290 Nm вртежен момент. Моторот е спарен со 7-степен автоматски менувач со двојна спојка (7DCT), што овозможува врвна одзивност и го истакнува спортскиот карактер на возилото.

Geely Starray: Миленик на милиони и моќен по природа

Geely Starray, привлечен претставник во SUV-C сегментот, се издвојува со својот модерен дизајн што совршено ја комбинира футуристичката естетика со напредна дигитална технологија. Инспириран од дизајнерската филозофија „Vision Starburst“, Starray има елегантни линии, течни кривини и визуелни мотиви што создаваат уникатно и впечатливо присуство на патот. Од смелата предна маска до привлечните задни светла – секој елемент на Starray е внимателно дизајниран за да го нагласи стилот и перформансите.

Во внатрешноста, Starray нуди пространа и удобна кабина со премиум седишта и интуитивен централен контролен екран. Централниот 13,2-инчен екран обезбедува непречено и интелигентно искуство при возење, овозможувајќи паметно управување и интеракција. Благодарение на Infinity звучниците, Starray овозможува врвно звучно доживување кое секое возење го претвора во концертна сала на тркала.

Љубителите на перформансите ќе го ценат 1,5-литарскиот турбо бензински мотор кој во комбинација со 7-степениот автоматски менувач со двојна спојка (7DCT) овозможува возбудливо и динамично возачко искуство.

Безбедноста на прво место: напредна технологија за сигурно возење

Geely Auto Group ја става безбедноста на прво место на секое патување, па затоа Starray е опремен со најсовремена безбедносна технологија. Комплетната понуда на безбедносни функции обезбедува спокојство и за возачите и за патниците.

Адаптивниот темпомат (ACC) ја подобрува удобноста при возење со автоматско прилагодување на брзината и одржување на безбедно растојание од другите возила. Системот за автоматско сопирање во итни случаи (AEB) помага да се избегнат судири, а системот за предупредување при напуштање на коловозна лента (LDW) ја намалува опасноста од ненамерно менување ленти. Дополнително, системот за асистенција при возење на автопат (HWA) ја оптимизира брзината за поголема безбедност и полесно возење по автопат.

Со својата импресивна продажба, индустриско признание и одобрување од клиентите – и Geely Coolray и Starray продолжуваат да ги редефинираат очекувањата на пазарот за SUV возила. Со милионски продажби, Geely Auto Group останува посветен на поместување на границите на иновацијата и создавање возила што ги надминуваат очекувањата на купувачите ширум светот.

*Некои карактеристики на возилото зависат од националната опременост и/или моделската година и можеби нема да бидат достапни на сите пазари.